وهم اسمة وقوف البنت جمب الولد

انا محتاج اسال سؤال واحد بس

هو ممكن بجد بنت تقف جنب ولد في اي ازمه بيمر بيها ؟؟؟؟

اولا الازمه هي ايه يا جماعه

انا من وجهة نظري ان الازمه دي اي حاجه عارضه بتيجي في حياتنا بتقلبها للاسوء

سواء كانت نفسيه او ماديه او حتي ملوخيه بالتقليه



هل لما الست تقف مع الراجل وقت الشدة وهي مجبرة نقدر نقول عليها إنها استحملت وساعدته؟


للأسف في ستات كتير تقعد تعاير جوزها وتنتقد فيه عمال على بطال وتمرمطه بسبب وضعهم المنيل وعيشتهم الضنك. . . ولما الراجل يغلط أي غلطة بعد لما يوصل ويغتني بمجهوده تلاقيها فتحت شريط "أنا إللي استحملته" "أنا إللي كبرته" "أنا إللي وقفت معاه وقت الشدة"



حتي في علاقات الحب تلاقي البنت كل يوم تيجي ليك بحوار ال ايه ابن خالتها معجب بيها وانه جاهز وكل شويه يزن علي ماما بس هي اللي معترضه ...


انا امبارح خرجت انا ورنا جبنا بدي انما ايه تحفه

النهارده هروح علشان اروح لبنت خالتي علشان اشوف النونو بتاعها اصله ايه عسل عسل

وانت كل اللي بتعمله ابتسامه صفرا زي الليمونه وكانك بتفرجها علي سنانك مش بتضحك

عمرك في مره مريت بازمه والانسانه اللي انت مرتبط بيها وقفت جنبك .... عمرك حسيت ان فعلا البنت دي بتخاف عليك بجد

مش خايفه علي العريس اللي مستنياه بقالها سنتين او تلاته وفي الاخر ممكن يطير منها ؟؟؟

طيب ما تحاول كده وانت قاعد معاها ولو مكنتش بتشرب سجاير طلع علبه سجاير وابدا اشرب

وشوف رد فعلها هيكون ايه ؟؟؟

انا عارف انها اكيد هتتظاهر انها مضايقه اوي وانت ازاي تعمل كده


بس انا عاوزك تشوف نظراتها وتعبيرات وشها


او لو كنت مدخن عمرك جيت في يوم قالت ليك بطل تدخن بقي وعملت معاك مشكله بسبب كده


او لو انت طالب ومبتذاكرش قالت ليك انا مش هشوفك لحد ما اتاكد انك فعلا مهتم بمصلحتك ؟؟؟؟؟؟؟


وبعد كل دا عاوزه حضرتك تيجي تتقدم وتدفع المهر والشبكه والشقه والحوارت دي كلها


طيب كل دا ليه ؟؟؟


متسال نفسك الحب دا ضاف ليك ايه جديد في حياتك غير شويه الاحساس ودفء المشاعر والكلام اللي من ايام الهكسوس دا

كل الحكايه انك قاعد مع واحده بتحب فيها وهي فاتحه بقها من الكلام الحلو اللي انت بتقوله

وهزار وضحك وعلي كده كل يوم يا زميل


يااااااااه تصدقوا افتكرت موقف كان حصل ليا

في يوم كنت في المستشفي وكان في ست كبيره وبعد ما خلصت كورس العلاج وخارجه

وهي ماشيه دعت ليا بتقولي " روح يا ابني ربنا يرزقك بواحده تحبك زي امك "

ساعتها قلت امين وخلاص ومفهمتش معناها الا وانا بكتب الموضوع دا

بجد اي حد فينا محتاج واحده زي والدته تقف جنبه وقت الشده ولما الزمن يكسر فيه حاجه هي تصلحها بمشاعرها وحنيتها عليه


انا مش متشائم ولا بقول ان كل البنات وحشه بس بجد بقت عمله نادره انك تلاقي واحده تقف جنبك بجد