قول رايك«»«»«»«» «»«»«»«»

قولولى ايه رايكم فى اصدقاء النت يعنى هل تؤمن بوجود صديق عمرك ما شوفته ولا شافك؟

قولولى ايه رايكم هل يمكن تكون هناك صداقه بين ولد وبنت

وقولولى هل صادفتم صديق معاك من صغرك وعمره ما خانك

طبعا الخيانة دي شي وارد
الناس كلها خاينة .. مافيش صدق .. كلة بيتعامل بلغة المصلحة
و حتي لو واحد نعرفة من 20 سنة ... لازم بيمر علية وقت وبيخونا بس بتختلف الدرجات
بجد هي حكمة واحد اللي صح ... انت صاحب نفسك و حب من يحبك .. و بلاش الواحد يكون عاطفي ..
فكر بعقل شوية هتلاقي انك ممكن في حياتك كلها تلاقي صاحب واحد بس .. وانا عن نفسي لسة ما صدفتش الانسان دة
حتي بين الازواج مشاكل وممكن يحصل خيانة

بص يا ابني ابعد عن الجواز والاصحاب .... عيش مع نفسك بدماغ عليا وخلاص

طبعا فى اصدقاء على النت

واحسن حاجه انك تتكلم مع واحد مش يعرفك ولا شافك و تحكيله مشاكلك و يحكيلك مشاكله و يساعدك عليها

ممكن الواحد يخاف يسال اى حد قريب منه لكن عمره ما هيخاف يكلم صديقه اللى على النت

و كمان هيعطيك احسن نصيحه و بصراحه مش هيكدب ولا هيجامل

بالنسبه للصداقه بين الولد و البنت موجوده بس فى حدود الدين و الاسلام

ولازم الولد و البنت يراعو النقطه دى

اما بالنسبه لصديق معايا من صغرى و عمره ما خانى دى ما اعتقدش لان زى ما ادمن قال

ان لازم بيمر عليه وقت و بيخون بس بتختلف الدرجات

عندك حق يا دكتور
بس اول مره ابص لصداقات النت بالطريقه دى وميرسى على ردك

اولا سؤالك فى غايه الاهميه بالنسبه لصداقه النت هو فى الحقيقة صداقه النت سواء بين الولد والبنت او الولد والولد او البنت والبنت
هى صداقه ليها ايجابيات وسلبيات فى نفس الوقت وممكن نفتح ليها مجال اوسع من كده
بس رأى انا انى هذه الصداقات يكون ليها حدود بس اهم سلبيه فيها عدم الصدق سواء من طرف او من الطرفين

بالنسبه انى فيه صديق ليا وانا صغير وخانى اكيد فيه يمكن من ورايا او من قدامى ومعتش فيه
حاجه اسمها صداقه زى زمان صداقه بمفهوم الصداقه صعب اوى تلاقى الشخصيه ديه
بس انا من الناس اللى عمرى ما اخون واحد صاحب ليا ابدا وديه مساله مبادئ

شكرا يا ميدو على ردك وفعلا فى اى علاقه صداقه سواء بين ولد وولد او ولد ببنت واو بنت ببنت لازم يكون فيها حدود وشروط
واولا واخيرا ده مبدا

اولا انا مباعترفش بصدقات النت دى هو بيكلمك وبيشتغللك وانت بتكلمة وبتشتغلة فا دى مش صداقة

اما الصداقة اللى بين الولد والبنت زى ما فامبير قال فى حدود الادب والدين

اما بقى خيانة (الاصحاب)فادى مش صداقة اصلا لان مافيش صداقة مع خيانة وزى ما جو قال
ممكن تكون اتربيت معاة وممكن انك تكون دخلت بيتة وهو دخل بيتك ويخونك وكلتوا مع بعض عيش وملح دة بيحصلى على طول وبيحصل لاى حد
بس مش هاقدر اقول ان فعلا ماينفعش الواحد يعيش الا لى نفسة ودماغ لى نفسة

موضوع هايل شكرا علية
رونالدو

السلام عليكم ..
اهلا ويتش .. الصداقه مش مجرد كلام علي النت او حتي مساعدات عن طريق الكلام
الصداقه لازم يكون من مكونتها احساس بمسؤليه الصديق يعني لو انت حاسه انك مسؤله عن انسانه
بتكلميها و مشوفتيهاش و هيه بتبادلك نفس المسؤليه بأنها تتمني ليكي الخير و غير منتظره مقابل
فهذ هي الصداقه .. الصداقه مش مجرد مشاكل نحلها لبعض الصداقه شيء اكبر من الحب الحب جزء من الصداقه
..
فأينما شعرتي بمسؤليه تجاه شخص و كنتي مخلصه في حبك ليه و غير منتظره مقابل ... فتكون الصداقه اي كانت الوسيله
نت او مدرسه او جامعه اي مكان اي وسيله ..
..

اقتباس :

قولولى ايه رايكم هل يمكن تكون هناك صداقه بين ولد وبنت

اكيد ده كمان بتكون افضل من صداقه الولد مع الولد او صداقه البنت مع البنت
لان بين ولد وولد او بنت و بنت بيكون هناك نوع من الغيره لكن بين ولد و بنت
تنعدم الغيره مش قصدي الغيره في الحب انا اقصد ان البنت لو جابت تقدير بيحس انها اخته و نجحت
انما لو بنت زيها تحس انها كان لازم تجيب اكتر منها او كانت تزاكر اكتر ده الي اقصده ..
و نعمم الغيره في كل شيء يعني واحده اتخطبت قبل صحبتها .. و هكذا هلم جرا .. هذا النوع من الغيره المتواجد
في الصداقات .. و هذه الغيره طبيعيه فبيكون الصداقه بين الولد و لبنت خاليه من اي شعور سلبي ..
ده اعتبره من مقومات الصداقه .. و علي فكره في صداقات بين بنت و بنت او ولد وولد بتكون خاليه من اي شعور سلبي
في حاله انهم يكون عندهم ميول للتضحيه انها ممكن تضحي بشيء علشان صديقتها تبقي احسن و احسن ميهمهاش
نفسها .. يعني بتشوف نجاحها و سعادتها في سعاده و نجاح الي حواليها .. ده لا يعتبر تقليل فيها بالعكس تماما
بس الانسان عمره مهيفهم معني انه يضحي علشان غيره او يكفيه ان غيره سعيد .. شيء كبير يطول شرحه ..
المهم ده رأيي ..
..

اقتباس :

وقولولى هل صادفتم صديق معاك من صغرك وعمره ما خانك

طبعا .. صديقي ده انسان و اكيد بيغلط مش معني انه خاني يبقه كده نهايه الصداقه ..
يعني الصداقه شيء كبير ميتهدمش بخيانه او اي شيء عن نفسي لو حصل ان صديقي خاني او عمل معايا شيء بس رجع و اعتزر
يعني عرف انه غلط خلاص مستعد اني اسامحه انا كنت ممكن انا الي اخونه و أطلب منه انه يسامحني
يعني لزم احط نفسي مكانه .. و انا مسلم بأن الانسان لازم يغلط بس مش معني كده اني اسامحه لو عملها تاني ..
يعني كل حاجه ليها حدود يعني لو كرر الخيانه خلاص يبقه كده مفيش صداقه بينا علشان يكون صديقي ..
بس اهم حاجه مش من غلطه واحده الصداقه تنتهي .. و دايما حط نفسك مكان الي قدامك علشان تعرف تحكم صح لانك لو حكمت
من طرف واحد هتلاقي حكمك ظالم جدا ..
في نوع تاني من الناس بيحب يحس انه مظلوم و انه اتخان من اعز اصدقائه ده بيكون عنده نقص في الاحاسيس او
منطوي معندوش تعاملات كتير فبيبقه عايز يحس بحاجه معينه مش لاقيها و اول متيجي الفرصه يقوم طايح
اول مصديقه يكذب عليه مثلا يحسس نفسه انه اتخان و انه اتظلم و ان الصداقه راحت .. ده اقوله مش تركز علي شيء معين او احساس معين
امشي في حياتك و ادي لكل حاجه حقها و متكبرش الحجات لانها بعد كده هتتقلب عليك ..
..
و في حاجه تانيه .. " اعطي لصديقك الشيء الذي لو كنت مكانه تتمني ان يعطيه لك " بس ..

اقتباس :

بص يا ابني ابعد عن الجواز والاصحاب .... عيش مع نفسك بدماغ عليا وخلاص

ايه الدماغ ديه .. نا بعترض اعتراض كبييييييييييييييييييييييييييييييير ...
لان الانسان موجود في الدنيا علشان يعيش و يتعايش يعني يعيش في مجتمع
الي هوه الناس الي حواليه و يتعايش معاهم يعني يتعامل معاهم
ممعني اني اعيش مع نفسي معني كده اني منطوي و جبان و اناني و حجات كتير جدا مش حلوه
اعمل لنفسك حدود اوك لكن متخليش الحدود ديه تخنقك .. يعني بحبحها
لازم تتعامل مع الناس تساعدهم و يساعدوك و هتغلط و همه هيغلطوا ديه الحياه
مفيش ملايكه مفيش حد مش بيغلط .. هيه ديه الحياه
و علي قد مفيها حاجات وحشه فيها حاجات حلوه .. ربنا سبحانه و تعالي
جعل في الحياه توازن في كل حاجه
جعل الشيء و عكسه .. الانسان لازم يرضي بالأتنين
مش يرضي بالحلو و يرفض الوحش
..
فلازم نعيش و نتعايش ..
...........................................................
شديت الخط ده لان ردك يا ميدو كنت بدور عليه و لقيته .. في حجات كتير عايز اوضحها ..

اقتباس :

جمله عايز احرق الي اخترعها .. مش انت يا ميدو انا اقصد الي اخترعها ..
" مبقاش في صداقه زي زمان "
طيب ايه هيه الصداقه بتاعه زمان .. مع احترامي للمحروق قصدي للي قالها
صداقه امبارح زي النهارده زي بكره زي بعده زي من قرن فات .. الانسان غير حجات كتير من او مأنشأت الارض لكن
ميقدرش يغير ثوابت منها الصداقه .. الحجات المعنويه عمرها متغيرت و عمرها مهتتغير .. الصدق هوه الصدق و الخيانه هيه الخيانه
السعاده هيه السعاده الحزن متغيرش .. مفيش اي شيء معنوي اتغير .. لانها ثوابت ..
..

اقتباس :

س انا من الناس اللى عمرى ما اخون واحد صاحب ليا ابدا وديه مساله مبادئ

لما انت مش بتخون و انا مش بخون و هيه مش بتخون امال مين الي بيخون ..؟
العفاريت .. !!!!!!!!!!!!!!!!!
لا اقصد انك بتقول كلام غلط الي اقصده ان في تفاوت في مفاهيم الموقف ..
يعني في موقف معين انا اعتبره خيانه واحد غيري يعتبره مش خيانه
واحده غيرنا تعتبره كذبه بيضه و هكذا .. ده تفاوت .. يعني
انا ممكن موقف معين اعمله مقصدش بيه شيء خالص بيان لواحد صحبي انه خيانه او كذب او اي شيء تاني
فالانسان اكيد بيغلط .. بس بيبان الصادق من الكاذب من تكرار الخطأ ..
علي فكره لو انت واحد كذب عليك و انت سامحته لو فعلا عايز يحافظ علي صداقته و غلطته ديه كانت غلطه
غصب عنه مش هيكررها تاني لكن لو كانت غلطته مقصوده و انت سامته هتلاقيه بيعيدها تاني
برضه من خبرتي القليله في الحياه عرفت فعلا ان الي بيغلط و هوه قاصد بيعيد نفس الغلطه علشان يخبي الغلطه الاولي
و بيغلط غلطات متتاليه علشان يخبي الغلطات الي قبليها لحد مينكشف ..
اي انسان بيغلط ... حاولت افهمهالك بإختصار ..

..
الي القاء

كلام جميل شكرا يا مادى ليا عوده لانى مش قادره ارد